У Беларусі заўсёды ёсць шанец, што цікавую вам навіну заблакавалі. Вырашыць гэтую праблему дазваляе VPN — бяспечны і бясплатны спосаб абысці блакаванне. Zerkalo.io сабрала дзесяць варыянтаў, якія добра працуюць (праверана!). Некаторыя прапануюць бясплатныя бонусы для беларусаў.
Адзін з найлепшых бясплатных VPN-сэрвісаў. Ён просты і вельмі хуткі. Дастаткова зарэгістравацца на сайце TunnelBear і ўсталяваць дадатак, каб адразу пачаць карыстацца VPN без неабходнасці што‑небудзь наладжваць. Зараз сэрвіс прапануе 10 ГБ у месяц для ўсіх карыстальнікаў у Беларусі. Падключыцца можна да адной з 20 краін. TunnelBear даступны як на дэсктопах, так і на мабільных прыладах. З аднаго акаўнта можна карыстацца сэрвісам на пяці розных дэвайсах.
Асноўны плюс гэтага сэрвісу — 10 ГБ бясплатнага трафіку ў месяц (пасля пацвярджэння email) і магчымасць выхаду ў інтэрнэт праз 25 сервераў у 11 краінах. Каб павялічыць ліміт на 5 ГБ, трэба апублікаваць запіс у Twitter. Пры гэтым за кожнага карыстальніка, зарэгістраванага па вашай спасылцы, дадаецца яшчэ 1 ГБ. Для рэгістрацыі не патрэбныя асабістыя звесткі, сэрвіс запытвае толькі лагін і пароль. Пры жаданні можна пазначыць свой e-mail, каб атрымаць доступ да акаўнта, калі забудзеце пароль. На гэтую ж пошту будуць прыходзіць апавяшчэння аб налічэнні новых лімітаў трафіку. Бясплатная версія дазваляе выкарыстоўваць сэрвіс толькі на адной прыладзе.
Адметная рыса Speedify — гэта максімальна магчымая хуткасць інтэрнэт-злучэння. Дасягаецца яна дзякуючы аб’яднанню ўсіх даступных інтэрнэт-падлучэнняў. Да прыкладу, праваднога інтэрнэту і мабільнага злучэння па 3G/4G. Нават пры наяўнасці толькі аднаго тыпу злучэння можна павялічыць хуткасць за кошт унікальных тэхналогій Speedify. На выбар даступна 30 сервераў па ўсім свеце. Абмежаванне па трафіку — 2 ГБ у месяц, карыстацца VPN можна толькі на адной прыладзе.
Даволі нядрэнны VPN-сэрвіс, даступны на ўсіх асноўных платформах. У бясплатнай версіі можна падлучацца з адной прылады да сервераў у трох краінах на выбар. Пры гэтым няма ніякіх логаў і абмежаванняў на колькасць трафіку, што нават важней для большасці карыстальнікаў. Акрамя адначасовай працы ўсяго з адной прылады, да мінусаў можна аднесці адсутнасць падтрымкі стрымінгавых сэрвісаў і торэнтаў. Для ўсяго гэтага патрэбна платная падпіска.
Для яго выкарыстання трэба ўсталяваць дадатак «1.1.1.1 + WARP VPN» для прылад Android або iOS. Карыстальнікі могуць рэкамендаваць сэрвіс і атрымліваць бясплатна да 1 гігабайта трафіку Warp+ у месяц. Кожны рэферала, які адпавядае вызначаным крытэрам, дадае 100 мегабайт трафіку да акаўнта. Таксама Warp+ можна выкарыстоўваць на платнай аснове.
Яшчэ адзін VPN без абмежаванняў па трафіку, які даступны ў выглядзе мабільнага дадатка і пашырэння для папулярных браўзераў. Дзякуючы функцыі Smart Settings можа аўтаматычна ўключацца толькі на выбраных сайтах, прапускаючы астатні трафік напрамую. Бясплатна гэтая фішка працуе толькі для аднаго сайта.
З іншых абмежаванняў — усяго чатыры даступныя сервера і хуткасць каля 20 Мбіт/с супраць 100 Мбіт/с у прэміум‑версіі.
Просты і надзейны VPN, які працуе на ўсіх даступных платформах, уключаючы малараспаўсюджаныя АС і роўтары. Нават у бясплатнай версіі HideMe шыфруе злучэнне, прадастаўляе тэхпадтрымку карыстальнікаў і не рэжа хуткасць падключэння. Але ёсць і абмежаванні: 10 ГБ трафіку ў месяц, адначасовы доступ толькі з адной прылады і праца з серверамі ўсяго ў пяці краінах. Пры гэтым патокавыя сэрвісы і торэнты падтрымліваюцца.
Зручны VPN-сэрвіс для смартфонаў і камп’ютараў, які дапаможа лёгка абыйсці рэгіянальныя абмежаванні. SurfEasy дазваляе выкарыстоўваць на бясплатным акаўнце да пяці прылад адначасова. Абмежаванняў па хуткасці няма, але ёсць ліміт на трафік: усяго толькі 500 МБ у месяц. Акрамя таго, сэрвіс прадастаўляе блакаванне трэкераў рэкламы і пашыраны спіс сервераў для падлучэння, але яны даступныя толькі па платнай падпісцы.
Адзін акаўнт дазваляе працаваць з Private Tunnel на трох дэвайсах. Магчымы выбар з дзевяці сервераў. Пры гэтым прадастаўляецца толькі 200 МБ інтэрнэт-трафіку ў месяц. Калі ліміт вычарпаецца, можна купіць пакет на 20 або 100 ГБ.
FCK_RKN VPN
Праект прапануе ананімны VPN з мінімальнымі стратамі ў хуткасці. Адзінае, гэта платны сэрвіс.
Пераклад: «Наша ніва»
