Беларуская бібліятэка імя Францыска Скарына ў Лондане захоўвае цікавыя і каштоўныя рукапісы Янкі Купалы, асобнікі ягоных самых ранніх выданняў і арыгінальныя ілюстрацыі мастака Барыса Заборава да твораў песняра. У гонар 140-годдзя з дня нараджэння Янкі Купалы бібліятэка ўпершыню выстаўляе ўсе гэтыя скарбы разам.
Выстава праходзіць 9 ліеня ў памяшканні бібліятэкі.
Для тых, хто не можа патрапіць на выставу ў Лондане, ейныя галоўныя перліны цяпер даступныя на электроннай выставе на сайце бібліятэкі.
Да прыкладу, сярод перлінаў калекцыі Янкі Купалы ў Скарынаўскай бібліятэцы захоўваецца аўтограф верша «Роднае слова». Верш з’явіўся ў «Нашай ніве» (1910, № 51) пасля таго, як ІІІ Дзяржаўная дума Расейскай імперыі забараніла навучаць украінскіх і беларускіх дзяцей на роднай мове. Як і ўся творчасць Купалы, верш напоўнены любоўю да роднае мовы і сцвярджае ейную вырашальную ролю ў захаванні беларускай ідэнтычнасці ў часы, калі «не нашай наша бацькаўшчына стала».
Пад навалай крыўдаў многія сталецьця
Мы нясьлі пакорна лямку безпрасьвецьця.
Мы нясьлі, усё ныла, гінула памалу
Аж не нашай наша бацькаўшчына стала.
Не для нас пасевы нашы зарунелі
Адно ты нам, слова, верным асталося,
Каб вясьці з упадку к сьветласьцям нязьмерным.
Цікава, што гэтыя радкі, пададзеныя паводле рукапісу, напісаныя класічным правапісам і адрозніваюцца ад пазнейшых публікацыяў. Рукапіс верша перададзены Скарынаўскай бібліятэцы Леанідам Галяком, беларускім грамадскім дзеячом у ЗША.
