У рамках фестывалю японскай культуры «Японская восень у Беларусі – 2018» з 21 верасня па 25 лістапада 2018 года ў Нацыянальным мастацкім музеі Рэспублікі Беларусь праходзіць выстава Японскага Фонду «Фотавобразы і матэрыялы: японская графіка 1970-х гадоў».

На працягу 8 тыдняў Пасольства Японіі ў Рэспубліцы Беларусь і Нацыянальны мастацкі музей Рэспублікі Беларусь будуць праводзіць розныя культурныя мерапрыемствы ў рамках выставы.

Месца правядзення: Нацыянальны мастацкі музей (вул. Леніна, 20)

Уваход: па білетах у музей.

Гасцей чакае наступная праграма:

06.10 (субота) – 14:00 і 15:00 – інтэрактыўны праект «Да мары – на крылах жураўля»  

Удзельнікі праекта змогуць больш даведацца пра мастацтва арыгамі і самастойна зрабіць жураўліка з паперы. Майстар-клас па арыгамі пройдзе за два сеансы. Для ўдзелу ў праекце неабходны папярэдні запіс па тэлефоне: 327-71-63!

06.10 (субота) – 17:00 – канцэрт японскай бамбукавай флейты сякухаці  

На канцэрце выступіць майстар ігры на японскай бамбукавай флейце сякухаці Кацура Крэа Сьён. Яна выканае некалькі аўтарскіх песень, а таксама кампазіцыі для класічнай флейты і японскай бамбукавай флейты сякухаці.

13.10 (субота) – 16:00 – майстар-клас «Суміэ – жывапіс тушшу»

Майстар-клас правядзе мастак, выкладчык жывапісу суміэ цэнтра японскай культуры «Хагакурэ» Рыма Карачан. Удзельнікі пазнаёмяцца з асаблівасцямі і асноўнымі прынцыпамі суміэ, асвояць базавыя прыёмы малявання ў гэтым жанры і паспрабуюць стварыць уласныя творы.

20.10 (субота) – 11:00–14:00 – фестываль традыцыйнай японскай гульні

На фестывалі ўсе жадаючыя змогуць акунуцца ў свет японскіх гульняў ханэцукі і фукувараі. Таксама ўдзельнікі выканаюць японскую песню пра восень, вывучаць традыцыйны японскі танец і зробяць жураўліка з паперы. Прыемным дапаўненнем стане тэматычная фотазона ў японскім стылі.

20.10 (субота) – 16:00 – лекцыя «Мідзукі Сігэру. Гісторыя жыцця мастака ў карцінках»

Лекцыю пра Мідзукі Сігэру, вядомага мастака, фалькларыста, стваральніка жанру мангі аб звышнатуральных істотах японскай міфалогіі – ёкаях, прачытае вядомая перакладчыца японскай літаратуры Кацярына Рабава (г. Санкт-Пецярбург).

27.10 (субота) – 16:00 – майстар-клас «Арыгамі – мастацтва мадэлявання з паперы»

Майстар-клас правядзе майстар арыгамі і паперапластыкі цэнтра японскай культуры «Хагакурэ» Ірына Іоўлева. Удзельнікі пазнаёмяцца з гісторыяй арыгамі, асвояць тэхніку і асноўныя прыёмы мадэлявання з паперы і паспрабуюць стварыць уласныя фігуркі.

03.11 (субота) –16:00 – лекцыя пра станаўленне традыцыйнага японскага арнаменту

Лекцыю прачытае старшы выкладчык кафедры мовазнаўства і краіназнаўства Усходу факультэта міжнародных адносін БДУ Анатоль Ерышаў. Мастацтвазнаўца раскажа пра эвалюцыю геаметрычнага арнаменту ў эпохі Дзёман, Кофун і Яёй і запазычанні яго элементаў з культур сумежных краін.

10.11 (субота) – 16:00 – лекцыя пра выкарыстанне традыцыйнага арнаменту ў сучасным японскім дізайне

У дапаўненне да лекцыі пра станаўленне японскага арнаменту Анатоль Ерышаў раскажа пра ўжыванне арнаменту вагара ў японскай архітэктуры, сучасным дызайне і фэшн-індустрыі.

18.11 (нядзеля) – 16:00 – лекцыя і дэманстрацыя ікебаны

Лекцыю прачытае японскі майстар школы ікебаны «Ікэноба» Мідоры Ямада. У праграме лекцыі: гісторыя ікебаны, сувязь з іншымі відамі японскага традыцыйнага мастацтва, роля ікебаны ў жыцці сучасных японцаў. Падчас лекцыі майстар прадэманструе, як правільна складаць кампазіцыі ікебаны.

Запрашаем усіх жадаючых прыняць удзел у мерапрыемствах фестывалю!

Паводле прэс-рэлізу