У Дзень ведаў менавіта з Брэста пачаліся нязвыклыя ўрокі сацыяльнага адукацыйнага праекта «Чытаем па-беларуску з velcom». У гэты святочны дзень самы вядомы дылетант Беларусі Юрый Жыгамонт пазнаёміў брэсцкіх школьнікаў з дзіцячай беларускай літаратурай, правеў інтэрактыўныя гульні на беларускай мове.
Аматар падарожжаў па Беларусі пасля раптоўнай хваробы аднавіў сваё здароўе і з новымі сіламі прыступіў да ініцыятывы па папулярызацыі беларускай мовы і літаратуры. Разам з Юрыям спецыяльныя ўрокі «Чытаем па-беларуску з velcom» ў Брэсце правеў вядомы беларускі пісьменнік Уладзімір Ліпскі, вядучы акцёр Брэсцкага акадэмічнага тэатра Сяргей Пяткевіч і кіраўнік аддзела маркетынгу і сувязяў са СМІ БГК імя Мяшкова Іван Караічаў.
Праз сацыяльную адукацыйную ініцыятыву «Чытаем па-беларуску з velcom» арганізатары і настаўнікі праекта развіваюць у малодшых школьнікаў цікавасць да роднай мовы і літаратуры. А вучні 2-3 классаў з вялікай радасцю сустракаюць пісьменнікаў і акцераў, з цікавасцю адказваюць на пытанні настаўнікаў на беларускай мове.
“Я вельмі рады, што зноў магу сустракацца з маленькімі беларусамі ў рамках сацыяльнай ініцыятывы «Чытаем па-беларуску з velcom». Гэтымі сустрэчамі я магу данесці да дзяцей усю прыгажосць беларускай мовы, распавесці пра тое, як важна ведаць сваю гісторыю і памятаць свае карані. Таму вельмі знакава, што ў гэтым навучальным годзе праект пачаўся менавіта з Брэста, горада з такой вялікай гісторыяй”, – пракаментаваў вядомы беларускі акцёр, вядучы праграмы “Падарожжа дылетанта” Юрый Жыгамонт.
Дарэчы, нязвыклыя ўрокі праекта пачаліся яшчэ ў кастрычніку 2015 года ў Мінску і прайшлі ў 30 установах адукацыі, уключаючы 2 дадатковыя школы з асаблівасцямі развіцця. Арганізатары «Чытаем па-беларуску з velcom» увесь гэты час атрымлівалі мноства лiстоў з просьбамі правесці падобныя заняткі ў рэгіёнах страны. Таму ўвесну 2016 года праект выйшаў на рэспубліканскі ўзровень, і яшчэ 25 урокаў былі арганізаваны ў Гомельскай вобласці. За першы навучальны год у займальных занятках на беларускай мове прынялі ўдзел больш за 6 500 школьнікаў.
Паводле арганізатараў
