Створаны рэсурс па ахове акаўнтаў, фізічнай і псіхалагічнай бяспецы biaspeka.me.
«Дзелімся з вамі кароткім лікбезам па бяспецы. Разам з экспертамі мы апісалі базавыя правілы лічбавай, фізічнай і ментальнай бяспекі. Найперш рэсурс створаны для актывістаў унутры Беларусі, але будзе карысны і тым, хто быў вымушаны з’ехаць. Нават калі знаходзіцеся ў сітуацыі прыняцця рашэння, вывучэнне гэтага рэсурсу не забярэ ў вас занадта шмат часу — азнаямленне з усімі матэрыяламі зойме не больш за 20 хвілін», — паведамляюць стваральнікі рэсурсу.
Унізе старонкі ёсць форма заяўкі, праз якую можна задаць пытанні і дамовіцца на кансультацыю з экспертамі ў сферы забеспячэння бяспекі.
