Прыём заявак і працаў на ўдзел у Фестывалі, акрамя Конкурсу маладых рэкламістаў, скончаны. Але пачаліся «гарачыя дзянькі» для сябраў журы.
Да 5 ліпеня — дня, калі будуць абвешчаныя шорт-лісты Фестывалю, — сябрам журы неабходна будзе вызначыць фіналістаў і пераможцаў. Працы, якіх назбіралася больш за 120, будуць ацэньвацца паводле абазначаных крытэраў.
Урачыстая цырымонія ўзнагароджання адбудзецца 7 ліпеня ў галерэі сучаснага мастацтва «Ў». Пераможцы атрымаюць каштоўныя прызы і дыпломы ад арганізатараў і партнёраў Фестывалю. Сярод гасцей мерапрыемства чакаецца вялікая колькасць прадстаўнікоў рэкламнай галіны, бізнэсу, культуры і СМІ.
Нагадаем, што працы і заяўкі прымаліся да 29 чэрвеня ўключна. Тэрмін падачы працаў на Конкурс маладых рэкламістаў заканчваецца 3 ліпеня.
Конкурс маладых рэкламістаў (абмежаванне па ўзросце ўдзельнікаў — да 28 гадоў уключна) складаецца з двух блокаў. У межах першага блоку канкурсантам неабходна прапанаваць крэатыўную ідэю і рэалізацыю агульнанацыянальнай кампаніі, якая будзе звяртаць увагу шырокіх колаў насельніцтва Рэспублікі Беларусь на пытанні нацыянальнай самаідэнтыфікацыі, становішча сучаснай культуры ў краіне, папулярызаваць веды па гісторыі Беларусі, павялічваць зацікаўленасць у выкарыстанні беларускай мовы. Падрабязны брыф гэтага задання можна спампаваць тут (фармат PDF) або тут (фармат PowerPoint).
У межах другога блоку заданняў партнёр конкурсу кампанія velcom прапануе распрацаваць крэатыўную ідэю і рэалізацыю рэкламных кампаній для сваіх тарыфных планаў «Кеды», «Паўкеды» (брыф у фармаце PDF можна спампаваць тут) і тарыфных планаў 3G для моладзевай аўдыторыі «Пакаленне 3G velcom» (брыф у фармаце pdf можна спампаваць тут).
Падрабязнасці аб Конкурсе маладых рэкламістаў чытайце тут.
Усю дадатковую інфармацыю вы можаце атрымаць па тэлефонах +375 29 755-1434, 177-0121, +375 25 978-9787 альбо па адрасе [email protected]
Да 5 ліпеня — дня, калі будуць абвешчаныя шорт-лісты Фестывалю, — сябрам журы неабходна будзе вызначыць фіналістаў і пераможцаў. Працы, якіх назбіралася больш за 120, будуць ацэньвацца паводле абазначаных крытэраў.
