Выданне зборніка Нацыянальным Гістарычным Архівам Беларусі стала вынікам праведзенага паўтары гады таму тэматычнага навуковага круглага стала па гісторыі пахавальнай культуры на землях былога ВКЛ. Пра гэта паведамляецца на старонцы архіва ў Facebook.
«...У гэтым зборніку праблема пастаўлена комплексна — разглядаюцца пахавальныя традыцыі і практыкі прадстаўнікоў розных народаў, канфесій і сацыяльных слаёў у розныя перыяды гісторыі Беларусі — Вялікага Княства Літоўскага, Рэчы Паспалітай, Расійскай імперыі і нават міжваеннай Польскай дзяржавы. Менавіта гэта і робіць зборнік унікальным выданнем у Беларусі», — лічаць укладальнікі выдання Дзяніс Лісейчыкаў і Сяргей Грунтоў.
Набыць кнігу можна ў навукова-даведачнай бібліятэцы архіва альбо ў кнігарні «Акадэмкніга» па адрасе: г. Мінск, пр-т Незалежнасці, 72.
