У Гродне адбылася прэзентацыя дэбютнай кнігі на беларускай мове «Домік добрай казкі» Вікторыі Карась. Пра мерапремства распавядае grodnonews.by.
Вікторыя — прафесійны журналіст і шматдзетная мама. Пасля заканчэння кафедры журналістыкі Купалаўскага ўніверсітэта з 2008 года паспяхова працавала карэспандэнтам на тэлеканале «Гродна Плюс». Сёння ёй 34 гады, і яна — мама двух хлопчыкаў і дзяўчынкі. Менавіта дзеці падчас дэкрэтнага адпачынку натхнілі Вікторыю напісаць для іх свае ўласныя казкі на беларускай мове.
Вясной гэтага года Вікторыя Карась даслала свае казкі на другі літаратурны конкурс стартап LitUp. У выніку Вікторыя стала адной з 12 пераможцаў і атрымала магчымасць выдаць сва. кнігу ў Беларусі за кошт дзяржавы тыражом у адну тысячу экзэмпляраў. Казкі Вікторыі апублікаваў выдавецкі дом «Звязда». Кніжку дапоўніла сваімі цудоўнымі малюнкамі гродзенская мастачка Таццяна Філіповіч.
У планах Вікторыі Карась — новыя казкі і, безумоўна, новыя кніжкі. Паслухаць казачныя творы аўтара ў яе ўласным выкананні можна на YouTube-канале «Домiк добрай казкi».
