4 лістпада 2016 г. ў Палацы мастацтва (Казлова, 3), у залі ўжытковага мастацтва і фае, дзе будзе арганізавана лаунж-зона, адбудзецца адкрыццё трэцяга біенале “ПАСТУЛАТ”. Праект пройдзе пры падтрымцы Беларускага саюза дызайнераў і Беларускага саюза мастакоў. Свае работы прадставяць больш чым 100 удзельнікаў – дызайнераў, мастакоў, фатографаў, скульптараў Беларусі.
Біенале “Пастулат ” аб’ядноўвае разнастайныя жанры, напрамкі і стылі, звязаныя адзінай тэматыкай, дзе крэсла грае галоўную ролю і выступае ў якасці прадмета дызайна, арт-аб’екта і мастацкага вобраза ў іншых відах мастацтва. Праект стане ўнікальнай пляцоўкай для абмена вопытам між прадстаўнікамі арт-супольнасці, а кожны жадаючы можа не толькі атрымаць асалоду ад творчасці прафесіяналаў, але і стаць часткай культурнай прасторы Беларусі. У рамках выставы запланаваны мерапрыемствы, лекцыі, выступленні.
Партнерамі праекта выступаюць: “ErmaNTafel”, “Новый уровень”, “Zdreva”, “Maffam”, “ДойлидФарб”.
“ПАСТУЛАТ-2016” здзівіць гледачоў і ўдзельнікаў у гэтым годзе. Публіка нарэшце пабачыць “Аграгламурнае” крэсла Алеся Пушкіна якое стала персонай нон-грата на першым Біенале, што паслужыла падставай для актыўнага абмеркавання ў інтернэт-прасторы.
Але гэта яшчэ не ўсё, таксама адбудзецца адкрыццё новага раздзела ў рамках праекта – ВУЛІЧНАЯ МЭБЛЯ ДЛЯ СЯДЗЕННЯ. Экспазіцыя крэатыўнай мэблі будзе арганізавана асобнай лакацыяй у выглядзе лаунж-зоны. На тэрыторыі экспазіцыі будзе працаваць арт-кафэ-бар партнёраў праекта “Культурнае жыццё”. Для гасцей прадугледжаны шэраг мерапрыемстваў забаўляльнага характару. У прыватнасці, чакаецца выступ гурта “Нагуаль”.
Свабодны ўваход ў лакацыю вулічнай мэблі і магчымасць не толькі разглядаць, але і выкарыстоўваць экспанаты непасрэдна па прызначэнні, а таксама спецыяльная івэнт-праграма у рамках дадзенай экспазіцыі стануць асобнай нагодай для наведвання праекта “ПАСТУЛАТ-2016”.
З-за таго, што пастаянна расце колькасць удзельнікаў і колькасць жадаючых наведаць мерапрыемства, у гэтым годзе было вырашана правесці біенале ў Палацы Мастацтваў з прасторнай выставачнай пляцоўкай, якая карыстаецца папулярнасцю ў гараджан. Упершыню да гэтага праекта далучыўся Беларускі саюз мастакоў, які прадаставіў пляцоўку для правядзення чарговага біенале і прыняў актыўны ўдзел у арганізацыі і фарміраванні выставы.
На дадзены момант ў межах праекта ўжо прайшлі конкурсы “Мяккая мэбля ў сучасных офісах” (кампанія AUPI), “Вытанчанасць формы ў дасканаласці фунуцыі” (кампаніі «Ризалит Строй» и «Овенкольгруп»), “Новая эстэтыка бетону” (кампанія «Стиль декор»), па выніках якіх арганізатары конкурсаў знайшлі перспектыўных для свайго бізнэса партнёраў-дызайнераў для далейшага дзелавога супрацоўніцтва. Праекты-пераможцы канкурсантаў пры падтрымцы партнёраў стануць аб’ектамі экспазіцыі на выставе.
Гісторыя праекта:
Стартаваў праект ў 2012 годзе і сабраў работы больш за 110 мастакоў, скульптараў, фатографаў і дызайнераў з Беларусі, Эстоніі, Расіі і Польшчы. На працягу 2013 года калекцыя “Пастулат” была паказана на Тыдні дызайну ў Вільнюсе, на WAWA DesignFestival у Варшаве, на DesignNightFestival ў Талінне, а таксама ў карціннай галерэі Г. Х. Ваашчанка ў Гомелі і на выставе «Avant–gARTe. От квадрата к объекту» ў Мінску.
У 2014 годзе біенале “ПОСТУЛАТ” набрало абароты і стала грандыезнай падзеяй у свеце беларускага дызайну. За час правядзення выставы культурную пляцоўку наведалі больш чым 4000 чалавек.
У2012 і 2014 гг. выставы праходзілі ў галерэі “Універсітэт культуры” і сталі самымі наведвальнымі ў гісторыі творчай прасторы.
Інфармацыйнымі партнёрамі мінулых гадоў выступілі:
- Тэлеканалы Беларусь-1, ОНТ, СТВ;
- Часопісы «Большой» і «Обстановка»,
- Газеты «СБ. Беларусь сегодня», «Комсомольская правда», «Культура», «Вечерний Минск»,
- Літоўскі часпоіс аб дызайне інтэр’ераў «Centras»;
- Інтэрнэт-рэсурсы tut.by, citydog.by, citycelebrity.ru і шм.інш.
Рэклама аб правядзенні біенале размяшчалася на афішных тумбах у горадзе, універсітэтах, кафэ, галерэях і музеях Мінска, а таксама трансліравалася на экранах на Кастрычніцкай плошчы і Палацы Рэспублікі.
Па выніках дзвюх біенале быў выдадзены каталог выставаў, фірмовы каляндар, а таксама створаны 2 электронных каталога: http://postoolat.unid.by/иhttp://postoolat2014.unid.by/
