Адкрыццё юбілейнай выставы Аляксандра Дзяшко

7 чэрвеня 2017 года а 17-ай гадзіне ў Рэспубліканскай мастацкай галерэі Беларускага саюза мастакоў (Палац мастацтва, вул. Казлова, 3)  адбудзецца адкрыццё юбілейнай выставы Аляксандра Дзяшко.

На выставе прадстаўлены жывапісныя і графічныя работы мастака. Побач з творамі поўнымі суровай прастаты, напісанымі ў стрыманай каляровай гаме, у асноўным гэта беларускія краявіды – наваколле Лагойска, Хатыні, Мінскага мора і інш., ёсць працы гучныя па колеру, у якіх мастак прымяняе насычаны каларыт, з кантрастам у асвятленні, тым самым, ствараючы адчуванне святочнага відовішча, радаснага натхнення, магутнага ўздыму энергіі.

Творчая дзейнасць Аляксандра Дзяшко праходзіць у пастаянным удасканаленні мастацтва, багатага разнастайнасцю жывапісных і тэхнічных прыёмаў. Раннія  працы мастака былі цалкам ва ўладзе рэалістычных тэндэнцый. Свежасць і непасрэднасць яго твораў, напісаных з натуры, адлюстроўваюць рамантычны вобраз прыроды.

Незвычайна плённыя былі паездкі мастака на Каўказ. Тут ён зрабіў вялікую серыю малюнкаў. Гэта добра прапрацаваныя малюнкі пяром, тушшу, сангінай і накіды. Аўтар адлюстроўваў звычайны, паўсядзённы стан прыроды, аднак пастаянна шукаў усё новыя сюжэты для ўвасаблення вобразаў непадуладных сіл прыроды.

Вельмі значным было падарожжа мастака па Крыме. Тут ён стварае жывапісныя вобразы неўтаймаванай, дзікай прыроды. Яркія ўспышкі колеру, дынамічныя лініі контураў і рухомыя плямы сіняга, жоўтага, чырвонага, зялёнага ствараюць напружанне, але, нягледзячы на ​​гэта, карціны не пакідаюць змрочнага ўражання. Яны поўныя святла, паветра, працятыя прамянямі сонца, прасякнуты настроем.

Аўтар любіць адлюстроўваць прыроду ў момант незвычайных станаў. Гэта ўзыходы, захады сонца, месяца, калі ўсе фарбы набываюць павышанае гучанне і больш вострыя, нечаканыя спалучэнні.

Адчуванне настрою прыроды і праніклівае разуменне яе ўласціва для прац Аляксандра Дзяшко. Кола інтарэсаў мастака вельмі шырокае, і не было жанру ў жывапісе, у якім бы ён ні працаваў. Але прырода стала асноўнай тэмай яго мастацтва. У аснове творчасці ляжыць шчырая ўсхваляванасць перад веліччу і прыгажосцю роднай прыроды.

Аляксандр Дзяшко

Нарадзіўся ў Мінску 05.10.1957

1972-1976 Мінскае мастацкае вучылішча ім. А.К. Глебава.

1976-1982 Беларускі тэатральна-мастацкі інстытут аддзяленне станковы жывапіс.

Удзел у мастацкіх выставах з 1983г.

Сябра Беларускага саюза мастакоў з 1994г.

Тэрмін правядзенне выставы: з 7 па 18 чэрвеня 2017 года, штодзень з 11.00 да 19.00, апрача панядзелка. Тэлефоны для даведак: (017) 288 15 49, (017) 290 60 10 – Палац мастацтва 

(017) 296 67 84 – Беларускі саюз мастакоў.

З інфармацыяй пра мінулыя, дзейныя і запланаваныя выставы можна азнаёміцца на сайце Беларускага саюза мастакоў www.belartunion.by