У сераду, 19 чэрвеня, тэатр Wodhuk і арт-лабараторыя «Беларускі Код» граюць анлайн-перформанс «Парадоксы долі».
Дата і час: 19 чэрвеня ў 19.00 (час мінскі)
Месца: інстаграм «Беларускі Код»
Праект задзейнічае розныя мастацкія сродкі: фотамастацтва, відэаарт, інсталяцыя, перфоманс, музычныя кампазіцыі, каб перадаць праблему ўспрыняцця ролі жанчыны ў соцыюме.
За аснову для творчай інтэрпрэтацыі ўзялі даследчыя факты, занатаваныя ў пісьмовых крыніцах і вусным фальклоры.
Выкарыстоўваючы метафары і аллюзіі, аўтары паглыбляюцца ў праблематыку і прапануюць пашукаць паралеляў у сучасным кантэксце альбо несупадзенняў.
У традыцыйнай культуры жанчына выконвае асноўную ролю ў станаўленні жыццёва-сацыяльнага ладу грамадства. Адначасова на працягу ўсяго жыцця, ад нараджэння да пахавання, яна нясе на сабе цяжкую бытавую і сацыяльную нагрузку, якая ў фальклоры атрымала назву «жаночая доля».
Значнасць ролі жанчыны і сацыяльныя аспекты жаночай долі ўступаюць у канфлікты і нараджаюць праблемы і супярэчнасці, якія ствараюць кола жаночага жыцця.
У праекце падсветлены некалькі такіх аспектаў. У іх аўтары раскрываюць сямейна-бытавыя канфлікты і сацыяльныя парадоксы звязаныя з пазіцыяй жанчыны.
Пры стварэнні музычнай часткі праекта былі дасладаваны і ўзяты за аснову жаночыя лірычныя песні Беларусі, паэтычныя тэксты якіх передаюць сутнасць сямейнай і сацыяльнай пазіцыі жанчыны. Большая частка песень аб’яднана адзінай квінтовай інтанацыяй у мінорным ладавым накланенні.
Такая інтанацыя разглядаецца даследчыкамі фальклора як сродак перадачы душэўных перажыванняў выканаўцы.
Далучайцеся ў прызначаны час да стрыму ў інстаграме «Беларускі Код».
