Больш чым 450 твораў мастацтва будуць прадстаўлены на фестывалі «Арт-Мінск». Урачыстае адкрыццё праекта адбудзецца 3 траўня з 18:00 да 23:00 у Палацы мастацтва па адрасе вул. Казлова, 3.
3 траўня з 18:00 да 23:00 (галоўныя экспазіцыйныя залы да 22:00) уваход на адкрыццё вольны.
Дата: з 3 траўня па 9 чэрвеня 2023 года.
Час работы экспазіцыі:
панядзелак-чацвер 11:00-20:00
пятніца — нядзеля 11:00-21:00
Месца: Палац мастацтва, г. Мінск, вул. Казлова, 3.
200 мастакоў Беларусі, уключаючы як вядомых, так і пачынаючых аўтараў, прадставяць свае работы.
«Арт-Мінск» праводзіцца штогод з 2018 года і з’яўляецца адным з найбуйнейшых выставачных праектаў у Беларусі, мэта якога — упрыгожыць культурнае жыццё горада і прадставіць актуальныя напрамкі мастацкай арт-сцэны.
Сёлета на фестываль паступіла больш за трох тысяч работ і тысячу заявак, з якіх журы адабрала 450 твораў ад аўтараў з Мінска, Гомеля, Брэста, Віцебска і іншых гарадоў нашай краіны.
90% прадстаўленых на фестывалі работ будуць размешчаны на анлайн-платформе па продажы мастацтва Artcenter.by. Біяграфіі аўтараў і апісанні работ будуць даступныя гледачам па QR-кодзе на этыкетцы. Кожны наведвальнік зможа не толькі набыць працы, але і падтрымаць мастакоў пры дапамозе галасавання. Аўтары, якія набралі найбольшую колькасць галасоў, будуць узнагароджаны дыпломамі і прызамі партнёраў праекта.
