У суботу, 15 красавіка, Веткаўскі музей — той, што ў Ветцы, — запрашае сабрацца разам, каб абмеркаваць турыстычныя магчымасці Веткі, прапанаваць і стварыць у Ветцы новыя ініцыятывы, культурныя з’явы. А таксама падтрымаць існуючыя.
Дата: 15 красавіка
Час: 12.00
Месца: Веткаўскі музей, Красная плошча, 5, Ветка, Гомельская вобл.
Чым жа цікавая Ветка самаму веткаўцу і прыезджаму турысту? Людзьмі, прыродай, рамёствамі, абрадамі? Як кваліфікавана скласці турыстычны маршрут і што пры гэтым улічыць?
З гэтымі і іншымі пытаннямі і будуць разбірацца. І вы далучайцеся!
Бонус сустрэчы — невялічкі маршрут «Ветка: дом-сад-міф» з майстар-класам па драўлянай архітэктурнай разьбе і зёлкавай гарбатай з самавара.
Да правядзення экскурсіі можа далучыцца любы мясцовы жыхар, якому ёсць што паказаць і расказаць пра родную Ветку.
То далучайцеся з прапановамі, пытаннечкамі ды проста з добрымі намерамі! Тэлефон музея: +375 (2330) 4-27-49
