У нядзелю, 24 верасня, беларусы Беластока святкуюць Багач!
Дата: 24 верасня
Час: 17.00 (час мясцовы)
Месца: Беларускі хаб «Новая зямля», Wyszyńskiego 6A, Беласток
Гэта старадаўняе свята ўраджаю, прымеркаванае да дня восеньскага раўнадзенства. Кожны дбайны гаспадар імкнуўся завяршыць уборку ўсіх сельскагаспадарчых культур з палёў і агародаў.
Пасля пачыналася сяўба азімых, таму ў народзе казалі так: «Багач — кідай рагач, бяры сявеньку і сей памаленьку».
Адзін з самых урачыстых і кульмінацыйных момантаў свята — абыход двароў, накіраваны на дастатак і дабрабыт усёй сельскай грамады.
З кожнага двара гаспадары прыносілі па жменьцы зерня і напаўнялі ім агульную сявеньку — багач. Гэты багач увасабляў багацце і ўраджайнасць жыхароў усёй вёскі.
Прыходзьце як след адсвяткаваць ды патанчыць у асалоду беларускіх танцаў!
Уваход вольны!
