30 верасня пройдзе бізнес-сустрэча “Invent Yourself”, арганізаваны студэнцкімі арганізацыямі БАСС і ЦРСІ, з удзелам дырэктара Арт Сядзібы, Алеся Снега, які распавядзе гісторыю і развіццё “Арт Сядзібы”, пра якую шмат, хто чуў і магчыма нават носіць “вышымайку” з арыгінальным прынтом.
Тэма сустрэчы – “Гісторыя “Арт Сядзібы”: культурны трэнд на вышыванку і беларушчыну”. Пачатак сустрэчы а 12:30.
На сустрэчы мы абмяркуем наступныя тэмы:
– З’яўленне “Арт Сядзібы” і яе паспяховыя праекты ;
– Як зрабіць рэвалюцыю ў сферы культуры і бізнеса;
– Узнікненне і развіццё трэнду на вышыванку і беларушчыну.
Што такое бізнес-сустрэчы ад “Invent Yourself”? Гэта дзелавыя гутаркі з экспертамі ў сферы бізнесу і вобласці HR, а таксама адмысловымі гасцямі праекта, якія падзеляцца сваім вопытам і парадамі ў пытаннях працаўладкавання або адкрыцця ўласнага бізнэсу за кубачкам кавы ці гарбаты. Тут можна не толькі даведацца шмат карыснай інфармацыі, але і асабіста пагутарыць са адмысловымі гасцямі праекта “Invent Yourself”. Праект прызначаны для моладзі не старэйшай за 26 гадоў.
Удзельнікі праекту змогуць атрымаць спектр навыкаў як у індывідуальнай, так і каманднай працы, а таксама атрымаць каштоўныя веды ў галіне прадпрымальніцтва, фінансаў, стратэгічнага планавання і менеджменту, маркетынгу, аспектаў правы для адкрыцця сваёй справы, а таксама актуальныя і апошнія навіны аб рынку працы ў самых розных сферах дзейнасці. Акрамя таго, важным складнікам ўдзелу ў праекце з’яўляецца арыентацыя на практыку.
Удзел у бізнес-сняданку абсалютна бясплатны, аднак патрабуе папярэдняй рэгістрацыі. Удзельнікі будуць адабраны па заяўках. Зарэгістравацца можна да 29 верасня, уключна, запоўніўшы кароткую форму. Колькасць месцаў строга абмежавана (30!).
