Бульбокс-LIVE: ZM99, Мутнаевока, Дай Дарогу!
Пачатак: 22.03 (19:00)Канец: 22.03 (22:00)
Тэлепраграма “Бульбокс” працягвае выходзіць за рамкі !
Хто ўжо быў – ведаюць: новы фармат – Бульбокс-LIVE – спалучае жывы канцэрт ды інтэрв’ю з улюбёнымі музыкамі. Для тых, хто не быў: за адзін клубны вечар на сцэну выйдуць тры гурты і два вядучых, а ўсё, што будзе адбывацца гэтым разам, стане зместам новых эфіраў Бульбокса.
Чарговая сустрэча адбудзецца 22 сакавіка 2013 года ў клубе “Цэнтр“. Таму што!..
У гэты дзень нарадзіліся Марсэль Марсо і Анджэла Бадаламенці, гэты дзень абвешчаны днём Балтыйскага мора, Браты Люм’ер паказалі сваё першае кіно, Станіслаўскі з Данчанкам заснавалі МХаТ, у ЗША забаранілі мнагажэнства, Персія стала Іранам, і пачынаецца Новы год у Індыі! Усё гэта – грунтоўныя нагоды сустрэцца ўвечары і абслухацца добрай музыкі!
У новым Бульбокс-лайв Вас будуць радаваць:
– “Дай дарогу” – вядомы брэсцкі гурт, які сваімі хуліганскімі песнямі сістэматычна узбуджае творчую прастору, раз-пораз становіцца аб’ектам плётак і абвостранай увагі. 22 сакавіка Дай Дарогу выступяць з абсалютна новай (!) акустычнай праграмай.
– Гурт “МУТНАЕВОКА” – увабраў найбольш каляровые дэталi панка, рока ды папсы. Стаўшы даволi сваеасаблiвай з’явай у беларускай альтэрнатыўнаый музыцы, гурт стварыў свой непаўторны вобраз “бунтарэй-рамантыкаў”. Брудна-меладычны рытм, надрыўны вакал, яскравыя сцэнiчныя шоў – вось што такое МУТНАЕВОКА сёння. Іх музыка гучыць на лепшых пляцоўках краiны i за мяжой, а кожны выступ нязменна збiрае аншлаг.
– ZM99 («Зьмяя») – гітарны рок з жаночым вакалам. І вось гэты цудоўны жаночы вакал Зоі Сахончык здабыў ёй тытул “Рок-князёўны” на апошняй Рок-каранацыі і перамогу ў намінацыі “ультра-гіт” на “ultra-music awards-2012”) Ну што тут скажаш – прыходзь і слухай!
Пачатак а 19:00 па адрасе вул.Кастрычніцкая, 1 (Палац Рэспублікі)
Уваходны квіток – 60тыс. руб., у дзень канцэрту даражэй
Квіткі у касах горада, на ticketpro.by, а таксама ў офісе ПАН-студыя (вул. Гікала 22/б, працуем з 10 па 17.30 у будні)
Инфалінія +375 33 341 22 10, +375 29 101 95 95 (клуб), +375 17 294 22 22
