Перакладчык “Байцоўскага клубу” пакажа фільм з беларускімі тытрамі, каб выдаць кнігу.
Кніжная серыя “Амерыканка” працягвае збіраць грошы на выданне культавых кніг у беларускім перакладзе. Каб прыцягнуць увагу да знакамітага раману Чака Паланюка, каманда перакладчыкаў ладзіць бясплатны паказ знакамітага фільма Дэвіда Фінчара. Запрашаем у прастору ОК16 (вул Кастрычніцкая, 16). Уваход вольны!
22 студзеня, 19:00 – “Байцоўскі клуб”, 1999 г. Фільм Дэвіда Фінчара. Беларускія субтытры
Выматаны жыццём трыццацігадовы япі сустракае загадкавага чалавека на імя Тайлер Дэрдэн, з якім яны разам ствараюць падпольны байцоўскі клуб як радыкальную форму псіхатэрапіі.
Пасля выхаду на экраны фільму “Байцоўскі клуб” пісьменнік Чак Паланюк прачнуўся знакамітым. Напачатку фільм быў неадназначна прыняты крытыкамі і праваліўся ў пракаце, але ў 2009 годзе The New York Times назвала “БК” “вызначальным культавым фільмам сучаснасці”.
Фільм доўжыцца 139 хвілін
