З 11 па 19 верасня ў Берасці будзе праходзіць ХХ Міжнародны тэатральны фестываль “Белая вежа”.
Сёлета ў фестывалі возьмуць удзел драматычныя, лялечныя, вулічныя, музычныя і пластычныя тэатры з 15 краін свету: Арменіі, Беларусі, Балгарыі, Германіі, Грузіі, Ізраіля, Латвіі, Літвы, Малдовы, Польшчы, Расіі, Таджыкістана, Туніса, Украіны, Чэхіі. Усяго будзе прадстаўлена 25 спектакляў ад 25 тэатральных калектываў.
Паказ спектакляў адбудзецца на рускай і беларускай мовах, а таксама на балгарскай, англійскай, літоўскай, туніскай, украінскай мовах з перакладам. Пастаноўкі пройдуць на 6 пляцоўках горада: у вялікай і малой залах Брэсцкага акадэмічнага тэатра драмы, у Абласным грамадска-культурным цэнтры, Цэнтры моладзевай творчасці, на плошчы Леніна і ў Брэсцкім тэатры лялек.
Праграму фестываля цалкам глядзіце на сайце Брэсцкага акадэмічнага тэатра драмы.
