26 красавіка беларусы Вільні пад эгідай «Экадома» ладзяць «Чарнобыльскі шлях».
Дата: 26 красавіка
Час: 18.00 (час мясцовы)
Месца збору: Лукішская плошча, Вільня
Традыцыйнае мерапрыемства, прымеркаванае да гадавіны аварыі на ЧАЭС, распачнецца на Лукішскай плошчы а 18-й. У 19.00 марш рушыць да помніка «Маці Чарнобыля» ў парку Сапегаў. Скончыцца акцыя ў 20.30.
Асабліва востра тэма атама ўспрымаецца цяпер, калі з-за вайны, якую развязала Расія, упершыню ў гісторыі АЭС сталі месцам вядзення баявых дзеянняў, ставячы пад пагрозу радыеактыўную бяспеку ў Еўропе. Менавіта таму сёлета на «Чарнобыльскім шляху» загучаць і антываенныя лозунгі.
Далучайцеся!
