закрыць
Мінск Літаратура

«Час сэканд-хэнд» Святланы Алексіевіч: нон-фікшн, быль, боль. Літаратурная сустрэча ў Мінску

19.03.2022 16:00 - 18:00 БЦ «Тэрмінал» (вул. В. Харужай, 25/3) Бясплатнае

19 сакавіка клуб інтэлектуальнага адпачынку «Факультатыў» ладзіць літаратурную сустрэчу. Прадмет дыскусіі — творчасць Святланы Алексіевіч, пісьменніцы і публіцысткі, лаўрэаткі Нобелеўскай прэміі па літаратуры (2015), а «назіральная пляцоўка» — кніга «Час сэканд хэнд» (2013).


Дата: 19 сакавіка

Час: 16:00

Месца: БЦ «Тэрмінал», (2 паверх, пам. 2), вул. В. Харужай, 25/3, Мінск

Сустрэчу правядзе Алена Лепішава — кандыдат філалагічных навук, літаратуразнаўца, крытык, пісьменніца.

Падчас сустрэчы ўдзельнікі паспрабуюць знайсці адказы на пытанні, дастаткова правакацыйныя як для навукоўцаў, так і для звычайных чытачоў. Сярод іх — месца Святланы Алексіевіч у сучасным літаратурным працэсе, неаддзельным ад сацыяльна-палітычных трансфармацый, «дыхання» эпохі, зрухаў у масавай свядомасці.

А яшчэ — праблематыка і паэтыка кнігі «Час сэканд-хэнд», часткі знакамітага цыклу «Галасы Утопіі» («Чарнобыльская малітва», «Цынкавыя хлопчыкі», «У вайны не жаночае аблічча», «Апошнія сведкі»), адной са значных вех развіцця дакументальнай літаратуры 1980–2010-х гг.

Абмяркуюць і фігуру «пісьменніка-прарока» ў сучасным свеце, дыяду «Мастак (vs) Улада», статус мастацкага слова ў эпоху IT.

Кошт удзелу — 35 рублёў (гарбата / кава і пачастункі ўключаны ў кошт).

дадаць у google каляндар

Вам можа быць цікава

Выстава Юрыя Пташынскага «З шырока заплюшчанымі вачыма» ў Гомелі

29.08.2025 20:00 - 28.09.2025 18:00 галерэя Вашчанкі (вул. Карповіча, 4)
Гомель Выставы

Восеньскі салон у Мінску

05.09.2025 18:00 - 19.10.2025 21:00 Палац мастацтваў (вул. Казлова, 3)
Мінск Выставы

Гурт «Няміга» ў Любліне

21.09.2025 (18:00 - 20:00) Just Crafted (ul. Cicha 2)
Люблін Канцэрты

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org