Чэмпіянат па спартыўнай арніталогіі BirdRace-2025 у Тураве

У суботу, 6 верасня, у Тураве адбудзецца чэмпіянат па спартыўнай арніталогіі BirdRace-2025. 

Што трэба рабіць? 

 Сабраць каманду з 3-4 чалавек (але не болей за аднаго ўдзельніка маладзей 18 год) 

 Прадумаць маршрут у межах зоны правядзення чэмпіянату (межы пралягаюць па галоўных дарогах і рэках) 

 За 12 гадзін з 6 раніцы да 18 вечара ўбачыць і пачуць як мага больш відаў птушак 

Старт каманд пажаданы ў Тураве, але магчымы і ў межах зоны правядзення чэмпіянату (глядзіце мапу ў гэтым пасце). Гэта дае больш магчымасцей вывучыць тэрыторыю і падтрымаць дух спаборніцтваў. 

Галоўная змена чэмпіянату — збор каманд пасля фінішу ў адным месцы: Тураў, вул. Савецкая, 2, не пазней 19:00. 

Удзельнікаў чакае сяброўская вячэра, жывая гутарка, абмеркаванне рэзультатаў і ўзнагароджанне. Каманда, якая набярэ балаў і відаў менш за іншых, таксама атрымае прыз. 

Для каманд, якія жадаюць прайсці маршрут па-за межамі зоны правядзення чэмпіянату і без збору ў Тураве, магчымы ўдзел па-за залікам. 

Кошт удзелу — 50 рублёў з кожнага дарослага чалавека ў камандзе, для дзяцей да 18 год — 25 рублёў. Унёсак уключае раздатачны матэрыял, узнагароды пераможцам і падарункі ўдзельнікам, а таксама сяброўскую вячэру. Аб пражыванні ўдзельнікі павінны паклапаціцца самастойна.

Рэгістрацыя адчынена да 12:00 5-га верасня, але просяць падаваць заяўкі як мага раней, каб разлічыць колькасць чалавек для закупкі прадуктаў на вячэру. 


Рэгіструйцеся па спасылцы.