13 траўня Рэспубліканскі тэатр беларускай драматургіі кліча на публічнае чытанне п’есы драматурга Канстанціна Сцешыка «Сябра мой».
Дата: 13 траўня
Час: 19:00
Месца: РТБД, вул. Крапоткіна, 44, Мінск
Два сябры выходзяць ноччу з дому ў пошуках цыгарэт. Гэтым сябрам — за пяцьдзесят. Па дарозе яны сустракаюць дзіўных людзей, якія таксама чамусьці не спяць. Чым скончыцца гэты праменад і пра што на самой справе думаюць героі?
Ролі выконваюць:
Канстанцін ВОРАНАЎ;
Галіна ЧАРНАБАЕВА;
Максім БРАГІНЕЦ;
Уладзіслаў ВІЛЕНЧЫЦ;
Кацярына ЖАЛУДОК.
Канстанцін Сцешык — беларускі драматург, чые тэксты неаднаразова траплялі ў шорт-лісты драматургічных конкурсаў і фестываляў («Любімаўка», «Рэмарка, «Еўразія», «WriteBox» і г.д.). Яго п’есы былі апублікаваны ў зборніках, пастаўлены ў Беларусі і за мяжой.
Чытка п’есы — тэатралізаваная прэзентацыя п’есы, «правобраз» спектакля, прапанаваны рэжысёрам. Акцёры чытаюць тэкст з ліста.
Чытанне адбудзецца на рускай мове.
Узроставыя рэкамендацыі: 16+
Працягласць: 1 г. 30 хв. без антракту
