Дабрачынная экскурсія па Прылуках
Пачатак: 15.05 (14:00)Канец: 15.05 (16:00)
15 траўня экскурсійны праект «Набліжэнне» ладзіць дабрачынную вандроўку па Прылуках з экскурсаводам Надзеяй Палтаржыцкай.
Дата: 15 траўня
Час: 14.00
Месца: брама парка пры палацы Чапскiх, Прылукі, Мінскі раён
Лiтаральна ў 15 км ад цэнтра Мінска вы апынецеся ў неверагодна атмасферным месцы.
Падчас вандроўкі вы:
— паслухаеце шматлiкiя легенды гэтых мясцiн;
— пагуляеце па вулiцах, пабудаваных для супрацоўнiкаў сакрэтных аб’ектаў;
— даведаецеся, як каларадскi жук змог выратаваць палац у Прылуках ад разбурэння і шмат іншага!
Збор каля брамы парка пры палацы Чапскiх (праз дарогу ад прыпынка).
Як дабрацца ў Прылукі з Мінска:
На грамадскім транспарце (ехаць ~30хв):
— маршрутка № 1131 ад АВ Цэнтральны а 13:13 альбо а 13:33;
— маршрутка № 1545 ад Пятроўшчыны а 13:25;
— аўтобус № 429с ад ДС Дружная а 13:00, 13:30;
— аўтобусы № 211, № 213, № 279, № 339.
Апранайцеся цёпла, бярэце тэрмасы ды добры настрой.
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца — проста прыходзьце.
