Гэтымі выходнымі, 25 і 26 лютага, берасцейскі 4room club ладзіць незвычайны анлайн-квэст: запрашаюць пагуляць у квэст і тым дапамагчы ў набыцці лазернага каляровага прынтара для пошукавага атрада «Анёл», каб раздрукоўваць мапы для пошукаў і арыенціроўкі.
Дата: 25 і 26 лютага
Час: з 10.00
Месца: анлайн
Колькі часу таму ўжо ладзілі квэст са зборам на гэтую мэту, але сабранага аказалася недастаткова. То дапаможам!
Прэв’ю квэста: Пошукавы атрад Анёл атрымаў інфармацыю аб пяці зніклых дзецях. Усе яны зніклі ў розныя часы і ў розных гарадах. Каб пошук быў паспяховым трэба абавязкова сабраць як мага больш інфармацыі пра іх.... Але, вось бяда, цыдулкі з рознымі звесткамі былі перамяшаныя і згубленыя... А час не чакае!
Пачаць гульню можна ў любы момант з 10:00 25 лютага і да 18:00 26 лютага.
Працягласць квэста — каля 2 гадзін. Памер каманды не абмежаваны.
Гульнявы ўнёсак — данат 10 рублёў з чалавека (па жаданні можна больш).
Усе сабраныя сродкі будуць накіраваны на куплю каляровага прынтара для патрэб берасцейскага атрада «Анёл».
Пераможцу прадугледжаны сімвалічны прыз ад арганізатараў.
