5 красавіка экскурсійны праект «Набліжэнне» кліча на дабрачынны шпацыр па Ракаўскім прадмесці з экскурсаводам Аксанай Манкевіч.
Дата: 5 красавіка
Час: 19.00
Месца: вул. Ракаўская, 4а (ля брамы Петрапаўлаўскай царквы), Мінск
Падчас вандроўкі вы пагуляеце па куточку старога Мінска — Ракаўскім прадмесці ды пазбіраеце ракаўскія эцюды. А таксама даведаецеся, як звязаны «беларускі строй» з Чабурашкам і амерыканскімі мафіозі, і пачуеце шмат цікавостак пра мастакоў мінскага Манмартра і пра сучаснае творчае жыццё ў Ракаўскім.
Дабрачынныя шпацыры «Набліжэння» накіраваныя ў першую чаргу на знаёмства з роднымі мясцінамі і спазнанне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца, проста прыходзьце.
