17 траўня экскурсійны праект «Набліжэнне» запрашае на дабрачынную экскурсію «У пошуках Нямігі» з экскурсаводам Святланай Грышкевіч.
Дата: 17 траўня
Час: 19.00
Месца збору: вул. Мяснікова, 17 (з боку прыпынка), Мінск
З Нямігі пачынаецца гісторыя Менска, у гонар яе называюць вялікі кавалак у цэнтры горада, яна авеяна містычным флёрам і ва ўсіх сэнсах атрымала статус легендарнай.
Але што мы ведаем пра Нямігу насамрэч? Ці засталіся сведкі яе росквіту? Як ставіліся да Нямігі сучаснікі? Што спрабуе паведаміць нам рака? Даведаецеся падчас шпацыру па таямнічай Нямізе!
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца — проста прыходзьце.
