Заўтра, 27 жніўня, у музеі народнай архітэктуры і побыту ў Азярцы святкуюць Дажынкі.
Дата: 27 жніўня
Час: з 15.00 да 16.00 (час мясцовы)
Месца: музей народнай архітэктуры і побыту, Азярцо, Мінскі раён
Дажынкі на Беларусі здаўна праходзілі ўрачыста і святочна. Гэта кульмінацыйная падзея працоўнага года селяніна. І гэта не дзіўна, бо да зерня і хлеба ставіліся як да вялікай святыні.
Абавязковым атрыбутам свята быў апошні сноп і дажыначны вянок, якія дарылі гаспадару. Асноўны сэнс абрадаў на Дажынкі — падзяка зямлі за ўраджай і забеспячэнне здароўя, дабрабыту на працягу года.
Вас чакае:
Рэканструкцыя абраду «Дажынкі»;
Майстар-клас па ўборцы ўраджаю сярпом;
Майстар-клас па стварэнні снапа «Гаспадара»;
Выступленне гурта «Скарбніца традыцый»;
Беларускія танцы і гульні;
Традыцыйныя жніўныя песні.
Кошт квіткоў: для дарослых — 8,50 рублі; студэнтаў ды школьнікаў — 4,50 рублі; для дашкольнікаў — бясплатна.
