У пятніцу, 13 снежня, у арт-гасцёўні «Высокае месца» адбудзецца дэма-клас Наталлі Шапавалавай па акварэлі ў межах яе выставы «Тонкі свет».
Дата: 13 снежня
Час: 17.00
Месца: арт-гасцёўня «Высокае месца», вул. Герцэна, 2а, Мінск
Спадарыня Наталля распавядзе, як стварыць непаўторны вобраз, выкарыстоўваючы спецыфічныя ўласцівасці акварэлі.
Раскажа, як стварае своеасаблівы мастацкі свет, пачынаючы з выбару тэмы, вывучэння натуры, асэнсавання асабістых адносін да аб’екту выявы і праяўлення пачуццяў і эмоцый у працэсе стварэння твора.
Падзеліцца крыніцамі свайго натхнення, раскажа аб асноўных тэхнічных тонкасцях і нюансах стварэння акварэльнай выявы, а таксама распавядзе, якія інструменты і матэрыялы выкарыстоўвае ў працэсе працы.
Мастачка прадэманструе спецыяльныя тэхнічныя прыёмы і пакажа, як іх спалучыць з творчым уяўленнем мастака і атрымаць цікавы, часта непрадказальны, арыгінальны вынік.
Квіткі — 14 рублёў дарослым, 10 рублёў студэнтам, 6 рублёў школьнікам.
