Дваравы фестываль «Арэлі»
22.07.2017
15:30 - 19:00
Двор за KFC (На рагу вул. Машэрава 39 і бул. Т. Шаўчэнкі 3)
Бясплатнае
Агенцтва рэгіянальнага развіцця «Дзедзіч» запрашае ў двор на рагу вул. Машэрава і бул. Т. Шаўчэнка, каб паўдзельнічаць у дваравым фестывале «Арэлі». Мерапрыемства арганізавана пры падтрымцы Адміністрацыі Ленінскага раёна.
«Арэлі» – гэта новы фармат дваровага свята, які жыхары арганізоўваюць самі для сябе. У гэтым праекце АРР «Дзедзіч» выступае каталізатарам актыўнасці жыхароў, а Адміністрацыя Ленінскага раёна садзейнічанне ў вырашэнні праблем двара і дапамагае знайсці спонсараў і партнёраў.
Праект «Арэлі» прадугледжвае вырашэнне лакальных праблем у фармаце трохбаковага супрацоўніцтва: мясцовыя жыхары, НДА і мясцовыя ўлады. Жыхары дома лепш за іншых ведаюць нястачы свайго двара і змогуць іх ліквідаваць з дапамогай гаспадарчых службаў, а таксама падтрымліваць спрыяльнае асяроддзе дваравой прасторы. Мэта праекта – з’яднаць мясцовых жыхароў ва ўстойлівую ініцыятыўную супольнасць, здольную камунікаваць і ўхіляць цяжкасці. Усе хто хацеў бы пераймаць такі вопыт і стаць удзельнікам свята новага фармату, запрашаем!
Праграма ўлучае адукацыйную і забаўляльную часткі. Выстава дзіцячых малюнкаў, фрымаркет, гліняная майстэрня, зона дваравых гульняў, лекцыя ўрбаніста, адукацыйныя майстар-класы і шмат іншага. А на прыканцы свята вас чакае чароўны ханг.
Калі вам цікава ўрбаністыка і вы жадаеце паглядзець як арганізоўваюцца публічныя мерапрыемствы, запрашаем стаць валанцёрам! Запаўняйце анкету, калі хочаце арганізаваць вулічнае свята разам з намі.
Што: дваравы фестываль «Арэлі».
Дзе: Двор за KFC (на рагу вул. Машэрава 39 і бул. Т. Шаўчэнкі 3).
Калі: 22 ліпеня (субота) 15:30-19:00.
Сачыце за навінамі тут.
