26 сакавіка ў Варшаве адбудзецца сустрэча Беларускага Хрысціянскага клуба, прысвечаная Дню Волі.
Дата: 26 сакавіка
Час: 18.00 (час мясцовы)
Месца: Цэнтр Беларускай Салідарнасці, Oleandrów 6, Варшава
25 сакавіка 1918 года Рада Беларускай Народнай Рэспублікі выдала Трэцюю Устаноўчую грамату, якой абвясціла Незалежнасць Першай Беларускай Дзяржавы — БНР. Сярод яе стваральнікаў былі і хрысціяне.
Пазней, дзякуючы намаганням беларускіх хрысціянскіх дэмакратаў у міжваеннай Польшчы і дыяспар ўсяго свету ўдалося захаваць традыцыю святкавання 25 сакавіка як Дня Незалежнасці Беларусі.
Удзельнікі сустрэчы абмяркуюць ролю хрысціянства ў беларускай гісторыі і аддадуць даніну памяці хрысціянам, якія спрычыніліся да незалежнасці Беларусі.
