Анлайн-размова "Польская дзіцячая паэзія па-беларуску"

29.01.2026 18:00 - 20:00 Анлайн (старонка "Прасторы польскай культуры") Бясплатна

У чацвер, 29 студзеня, у межах цыклу “Санаторый пад клепсідрай” ладзяць анлайн-размову "Польская дзіцячая паэзія па-беларуску".

Перакладчык дзіцячай паэзіі Андрэй Скурко разам з мадэратарам Андрэем Хадановічам прачытаюць вершы ў арыгінале і ў перакладзе і абмяркуюць вось што:

- Чым каштоўная польская дзіцячая паэзія і як можна зацікавіць ёй беларускіх юных чытачоў і чытачак?

- Чаму адэкватны пераклад можа быць не-даслоўным?

- Непазбежныя страты і магчымыя знаходкі па дарозе ад арыгінала да перакладу.

- “Я прыходжу не дзеля таго, каб вучыць дзяцей ці іх забаўляць. Я прыходжу з імі спяваць”: Марыя Канапніцка як дзіцячая паэтка.

- “Сцяпанка Гудзімуха” як узорны верш для дзяцей: спалучэнне свету рэальнасці і фантазіі, жартаўлівасці і сур’ёзнасці.

- Як перакладаць неперакладальнае: культавы верш Яна Бжэхвы “Хрушч” і яго беларуская версія.

- “Татуля Манюшка, або Рыфмаваная біяграфія бацькі польскай і беларускай оперы”: што і чаму змянілася ў перакладзе?

Проста далучайцеся да трансляцыі ў падзеі на фэсбук-старонцы "Прасторы польскай культуры" ў прызначаны час.

Час: 18.00 (час мінскі, гэта 16.00 па Варшаве і 17.00 па Вільні)

Зарэгістравацца дадаць у google каляндар

Вам можа быць цікава