Дабрачынная экскурсія «Нефармальны Мінск»
Пачатак: 20.04 (19:00)Канец: 20.04 (20:30)
Аляксандраўскі сквер
20 красавіка экскурсійны праект «Набліжэнне» ладзіць дабрачынную экскурсію па мясцінах Мінска, звязаных з нефармальнымі субкультурнымі рухамі. Экскурсавод — Святлана Грышкевіч.
Дата: 20 красавіка
Час: 19.00
Месца: фантан ў Аляксандраўскім скверы (побач з Энгельса, 7), Мінск
Хіпі, металісты, рокеры, бітнікі... Яшчэ зусім нядаўна на вуліцах Мінска можна было сустрэць прадстаўнікоў розных субкультур. Як яны выглядалі, чым дыхалі і, галоўнае, якую музыку слухалі? Пра гэта і пойдзе гаворка.
Падчас шпацыру вы даведаецеся:
— Як у Мінску праводзіўся першы савецкі афіцыйны рок-фестываль;
— Што такое «Сістэма» і як яе прадстаўнікі пазнавалі сваіх;
— Якую музыку слухалі і адкуль яе бралі;
— Дзе бавілі час мінскія нефармалы;
— І галоўнае: што сталася з той моладдзю?
Дабрачынныя шпацыры «Набліжэння» накіраваныя ў першую чаргу на знаёмства з роднымі мясцінамі і спазнанне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца, проста прыходзьце.
