Дабрачынная экскурсія па Атоліна пад Мінскам
Пачатак: 16.04 (14:00)Канец: 16.04 (16:00)
16 красавіка экскурсійны праект «Набліжэнне» запрашае выбрацца за межы Мінска на шпацыр па Атоліна з экскурсаводам Надзеяй Палтаржыцкай.
Дата: 16 красавіка
Час: 14.00
Месца: Атоліна, прыпынак «Царква»
Удзельнікі пагуляюць па мясцiнах, якiя раней з’яўлялiся спецсаўгасам для партыйнай элiты. Даведаюцца, дзе была наладжана вытворчасць штучных алмазаў у Беларусi. Разбяруцца, што агульнага памiж сабакай Баскервiлей i птушкай з мясцовага бiялагiчнага заказнiка.
Як дабрацца з Мінска на грамадскім транспарце (ехаць ~35 хв):
маршрутка № 1131 ад АВ Цэнтральны а 13:13 альбо а 13:33;
маршрутка № 1545 ад Пятроўшчыны а 13:25;
аўтобус № 429с ад ДС Дружная а 13:00;
аўтобусы № 211, № 213, № 279, № 339.
Увага, лепш загадзя сказаць кіроўцу пра прыпынак «Царква».
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам. Запіс на вандроўку не вядзецца — проста прыходзьце.
