У сераду, 7 чэрвеня, у CreateCulture Space — фемінісцкая Печа-Куча.
Дата: 7 чэрвеня
Час: 18.30 (час мясцовы)
Месца: CreateCulture Space, Karmelitų gatvė 5, Вільня
Што гэта такое і што ж будзе адбывацца?
Печа-куча — гэта вечарына кароткіх прэзентацый. Пачнуць з невялікага знаёмства ўсіх, хто прыйшоў, а потым — малюткі-прэзентацыі (печы-кучы!) максімум на сем хвілін.
Пасля кожнай прэзентацыі можна будзе задаць пытанні. Пасля заканчэння ўсіх прэзентацый — размовы і адпачынак. Можна выступіць з прэзентацыяй, а можна проста паслухаць.
Пра што можна зрабіць прэзентацыю?
Ды пра ўсё, што звязана з фемінізмам, квір актывізмам і/ці любымі іншымі рэчамі, якія вам важныя. Напрыклад, чаму фалафель — лепшая ежа ў свеце? Ці чаму ўвесь час хочацца сэксу на тэстастэроне? Усё, што заўгодна! Можна прэзентаваць сваю ініцыятыву\групу ці праект. Галоўнае — укласціся ў сем хвілін.
Для каго гэта?
Гэтае імпрэза для феміністак, квір-актывіст:ак, жанчын, дзяўчын, транс і небінарных людзей, для якіх фемінізм і правы ЛГБТКІ+ людзей — важныя складнікі жыцця.
Уваход вольны. Рэгіструйцеся па спасылцы.
