25 і 26 чэрвеня ў Сёмкаве пад Мінскам — фестываль з нагоды 250-ддзя заснавання сёмкаўскай сядзібы! Абяцаюць цікавую праграму!
Дата: 25 і 26 чэрвеня
Час: з 11.00
Месца: Сёмкава, Мінскі раён
У суботу, 25 чэрвеня, а 11-й гадзіне ўрачыста адкрыюць экасцяжыну «Сёмкава». А 12-й пачнуцца адразу тры экскурсіі: арніталагічная з Наталляй Азоўскай, батанічная з Алесем Спіцыным і гістарычная з Таццянай Хамянковай. А ўвечары, а 23-й будзе астранамічная экскурсія з Віктарам Малышчыцам — вывучыце ўсе зоркі, што ззяюць над Сёмкавым.
Увесь дзень будзе працаваць кірмаш, а яшчэ можна будзе пакатацца на конях.
26 чэрвеня адбудзецца мастацкі пленэр. А 13-й пройдзе псіхалагічны трэнінг «Не так страшны стрэс, як яго малююць» з Юліяй Ходзька. А 15-й пачнецца тэатралізаваная экскурсія па Сёмкаве.
На ўсе экскурсіі ды падзеі патрабуецца рэгістрацыя, якую вы можаце знайсці па спасылцы.
