У кавярні «ÇAVA» на Макаёнка адкрылася надоечы файная выстава вулічнай фатаграфіі Андрэя Шкілёнка «Міміка Мінска».
Месца: кавярня «ÇAVA», вул. Макаёнка, 3, Мінск
«Праект „Міміка Мінска“ ўключае ў сябе серыю фатаграфій горада і гараджан. Я бачу Мінск шматаблічнай і рознагалосай, дзіўнай і ў той жа час абсалютна простай з’явай сучаснага свету. Аднастайнасць вуліц і двароў, дамоў і паркаў праймае дынамічныя лёсы мінакоў, што ўтварае баланс пад назвай — жыццё. Я не бачу горада без людзей і людзей па-за горадам», — кажа спадар Андрэй.
Прыходзьце ж паглядзець на жывы Мінск, а то здаецца, яго і няма ўжо. А ён ёсць!
Уваход вольны.
