31 траўня ў галерэі «Лабірынт» Нацыянальнай бібліятэкі адбудзецца адкрыццё выставы «Паэтыка фотаграфікі», прысвечанай 75-годдзю з дня нараджэння Віталя Бутырына ганаровага члена фотаклуба «Мінск», аднаго з самых адметных прадстаўнікоў літоўскай школы фатаграфіі.
Дата: 31 траўня
Час: 17.00
Месца: Нацыянальная бібліятэка Беларусі (3 паверх), пр-т Незалежнасці, 116, Мінск
У экспазіцыі — найзначнейшыя серыі здымкаў Віталя Бутырына з архіва фотаклуба «Мінск» і асобныя аўтарскія работы з асабістых калекцый мінскіх фатографаў. Большасць здымкаў выкананы ў жанры фантастычнай навелы аб таямнічым і невядомым.
У вытанчаных кампазіцыйных малюнках, лаканізме, манументальнасці, сюрэалістычнасці сюжэтаў, выразных візуальных метафарах, глыбокім падтэксце вобразаў — непераўзыдзеная самабытнасць творчасці Віталя Бутырына.
Уваход на вернісаж вольны, у іншы час — па чытацкім білеце або білеце сацыякультурнага цэнтра.
Выстава працуе па 14 жніўня.
