Фрымаркет у Гомелі
24.07.2022
11:00 - 16:00
«Сожскі Хаб» (вул. Падгорная, 10г)
ад 5 рублёў
24 ліпеня, у нядзелю, у «Сожскім Хабе» — фрымаркет. Прыносьце вопратку, якая больш вам не пасуе па стылі ці памеры, і ўзамен выбірайце тую, ад якой гараць вочы.
⠀
Дата: 24 ліпеня
Час: з 11.00 да 16.00 (час мясцовы)
Месца: «Сожскі Хаб», вул. Падгорная, 10г, Гомель
Рэчы, якія застануцца пасля фрымаркета, пойдуць на дабрачыннасць, у першую чаргу ўкраінскім бежанцам.
Правілы простыя:
Рэчы, якія вы хочаце пакінуць, павінны быць чыстыя і дагледжаныя, у добрым стане;
Калі рэч не падышла, яе трэба акуратна пакласці туды, адкуль узялі;
Калі адну рэч хочуць забраць двое, спрэчка вырашаецца з дапамогай гульні «камень-нажніцы-папера» ці любой іншай хуткай і простай штукі (падкінуць манетку, напрыклад).
Што можна прынесці?
вопратку (у тым ліку дзіцячую), чыстую і ў добрым стане: з працуючымі маланкамі, з усімі гузікамі, без пацёртасцяў, дзірак і латак;
касметыку з дапушчальным тэрмінам прыдатнасці;
біжутэрыю;
прадметы дэкору;
кнігі з усімі старонкамі;
цацкі (любыя, акрамя мяккіх): драўляныя, пластыкавыя, пазлы і галаваломкі, настолкі;
міскі, ашыйнікі і рэчы для сабак;
пластыкавыя крышачкі ад бутэлек для праекта «Крышарыкі — новае жыццё ў абмен на крышачкі».
Бежанцы таксама просяць прыносіць:
канцылярскія школьныя тавары;
уборачны, садовы, кухонны інвентар (швабры, вёдры, матыкі, друшляк і г.д).
Не прымаюць рэчы асабістай гігіены (напрыклад, выкарыстаныя расчоскі) і споднюю бялізну.
Важнае правіла: любы чалавек можа прынесці любую колькасць рэчаў. Калі вы нічога не прынеслі, вы ўсё роўна можаце забраць тое, што вам спадабалася.
Уваход —
10 рублёў (а калі вы рэпостніце
афішку фрымаркета і захаваеце яе ў актуальным, то
5 рублёў). ⠀
