18 верасня, у нядзелю, у «Сожскім Хабе» — зноў фрымаркет. Прыносьце вопратку, якая больш вам не пасуе па стылі ці памеры, і ўзамен выбірайце тую, ад якой гараць вочы.
Дата: 18 верасня
Час: з 11.00 да 16.00 (час мясцовы)
Месца: «Сожскі Хаб», вул. Падгорная, 10г, Гомель
Правілы простыя:
Рэчы, якія вы хочаце пакінуць, павінны быць чыстыя і дагледжаныя, у добрым стане;
Калі рэч не падышла, яе трэба акуратна пакласці туды, адкуль узялі;
Калі адну рэч хочуць забраць двое, спрэчка вырашаецца з дапамогай гульні «камень-нажніцы-папера» ці любой іншай хуткай і простай штукі (падкінуць манетку, напрыклад).
Рэчы, якія вы хочаце пакінуць, павінны быць чыстыя і дагледжаныя, у добрым стане;
Калі рэч не падышла, яе трэба акуратна пакласці туды, адкуль узялі;
Калі адну рэч хочуць забраць двое, спрэчка вырашаецца з дапамогай гульні «камень-нажніцы-папера» ці любой іншай хуткай і простай штукі (падкінуць манетку, напрыклад).
Што можна прынесці?
вопратку (у тым ліку дзіцячую), чыстую і ў добрым стане: з працуючымі маланкамі, з усімі гузікамі, без пацёртасцяў, дзірак і латак;
касметыку з дапушчальным тэрмінам прыдатнасці;
біжутэрыю;
прадметы дэкору;
кнігі з усімі старонкамі;
цацкі (любыя, акрамя мяккіх): драўляныя, пластыкавыя, пазлы і галаваломкі, настолкі;
міскі, ашыйнікі і рэчы для сабак;
пластыкавыя крышачкі ад бутэлек для праекта «Крышарыкі — новае жыццё ў абмен на крышачкі».
Валанцёры, якія дапамагаюць украінскім бежанцам, таксама просяць прыносіць:
цёплыя рэчы і абутак па сезоне, пальчаткі, ваўняныя шкарпэткі, коўдры;
рэчы для дзяцей з 1 па 10 клас;
садавіну і гародніну са свайго агароду.
Валанцёрская машына — цёмна-зялёны Citroen evasion — будзе стаяць ля ўваходу з 11.00 да 15.00, там можна пакінуць рэчы для бежанцаў, не ўваходзячы на маркет.
Не прымаюць рэчы асабістай гігіены (напрыклад, выкарыстаныя расчоскі) і споднюю бялізну.
Важнае правіла: любы чалавек можа прынесці любую колькасць рэчаў. Калі вы нічога не прынеслі, вы ўсё роўна можаце забраць тое, што вам спадабалася.
Уваход — 12 рублёў (а калі вы рэпостніце афішку фрымаркета і захаваеце яе ў актуальным, то 8 рублёў). ⠀
