У суботу, 17 лютага, у Сопаце ладзяць газетны тэатр.
Дата: 17 лютага
Час: з 16.00 да 19.00 (час мясцовы)
Месца: MARA HUB, Jacka Malczewskiego 21, Сопат
Газетны тэатр — адзін з метадаў Тэатру Прыгнечаных, у якім пры дапамозе тэатральных тэхнік з розных бакоў абмяркоўваюцца навіны за апошні год, якія вы самі абіраеце.
Фармат дапаможа асэнсоўваць сацыяльную рэчаіснасць і адрэфлексаваць з таго, што адбываецца навокал.
Навіны як праваднік, тэлефонны дрот, дзе на адным канцы знаходзімся мы, напружана ўважлівыя слухачы, а на другім — свет у сваёй імклівасці, імгненнасці і насычанасці.
Але што калі пазбавіць навіны сінхранічнай актуальнасці, калі надзяліць іх рэфлексіўнай запозненасцю?
Што калі дазволіць сабе прэпараваць аднамомантнасць навінаў?
Прапануюць такім спосабам падвесці вынікі мінулага года.
На мерапрыемстве вы:
пазнаёміцеся бліжэй з Тэатрам Прыгнечаных і Газетным тэатрам
даведаецеся пра розныя тэатральныя тэхнікі і рэалізуеце іх на практыцы
падзеліцеся навінамі, якія хвалююць вас, і абмяркуеце іх
створыце ўласную пастаноўку
Папярэдні тэатральны досвед не патрабуецца.
Уваход вольны. Рэгіструйцеся па спасылцы.
