12 красавіка ў Беластоку адбудзецца гутарка пра культуру, арганізаваная рэдакцыяй беларускай газеты «Ніва».
Дата: 12 красавіка
Час: 18.00 (час мясцовы)
Месца: клуб «Fama», ul. Legionowa 5, Беласток
Гэтым разам гаворка пойдзе пра фотакнігу «Niwa Foto Arch.» з фотаздымкамі 1956 — 2000 гадоў, апублікаваную беларускім штотыднёвікам «Ніва» ў Беластоку.
Абмяркуюць беларускасць у Польшчы, фатаграфіі ў рэдакцыйных архівах, палітыку малую і вялікую, змест у фатаграфіі і пісьмовым слове, значэнне прэсы для пабудовы культурнай штодзённасці і тое, якім свет вёскі і гарады бачылі некалькі пакаленняў беларускіх журналістаў.
Госці сустрэчы — старшыня Праграмнай рады тыднёвіка «Ніва» Эўгеніюш Вапа, рэдактар альбома Павел Гжэсь, графік, спявак Ежы Асеннік.
Сустрэчу правядзе Ілона Карпюк — беларуская журналістка, спявачка.
Уваход вольны.
