11 лістапада ў бары TNT Rock Club адбудзецца канцэрт гурта Harotnica mix пры ўдзеле праекта Eryk i Ja.
Harotnica mix — гурт, які пачынаўся як ска-панк аркестар, перарадзіўся наноў у фармаце электра-акустычнага трыа. Жанчынацэнтрычныя тэксты ў выкананьні Валерыі Валадзько спалучаюцца з гучаньнем “жывых” інструмэнтаў (домра, кантрабас) і халодным электронным падмуркам.
Eryk i Ja — гэта новы праект ад Эрыка Арлова-Шымкуса і Уладзя Лянкевіча. Няспынны музычны пошук на мяжы электронікі і гітарнага гучання, аздоблены густым паэтычным рэчытатывам.
Пачатак а 20 гадзіне. Уваход вольны.
