7 ліпеня, 18.00
Вялікая Траецкая, 16. “Крама Ц”
Гэтым разам на гістарычны аўторак у “Краме Ц” завітае адметны госць. Дызайнер, графік, фатограф, паэт, перакладнік і публіцыст, спадар Міхал Анемпадыстаў.
Вас чакае больш чым цікавы расповед на тэму каларыстыкі і стылю пад назвай “Колер Беларусі”.
Кажучы пра гэтага чалавека, нельга не прыгадаць, што менавіта яму належыць аўтарства большай часткі тэкстаў культавага рок-праекта «Народны альбом», дызайн вокладак альбомаў вядомых беларускіх музыкаў, аздоба кніг, серый паштовак; яго песні спяваюць «Новае Неба», «N.R.M.», «IQ48»… Выкладчык «Лятучага ўніверсітэта», аўтар многіх яскравых праектаў, творчая і шматпланавая асоба.
Чакаем вас 7 ліпеня ў “Краме Ц”.
