Запрашаем Вас прыняць удзел у ІІІ Дабрачынным мастацкім пленэры ”Заслаўскі Спас”, які адбудзецца 18-19 жніўня 2020 года. Гэта час святкавання Праабражэння Гасподняга, і пленэр стане часткай храмавага свята.
Мэта: Прыцягненне ўвагі шырокага кола людзей да духоўнай, культурнай і архітэктурнай спадчыны Беларусі праз мастацтва, развіцце творчага патанцыялу моладзі і дзяцей.
Дабрачыны збор сродкаў падчас правядзення выставы-продажу твораў мастацтва, створаных удзельнікамі пленэру.
Свята Праабражэння Гасподняга звязана з наступнай евангельскай падзеяй. Незадоўга да Сваiх пакут Iiсус Хрыстос узяў трох найблiжэйшых вучняў — Пятра, Iакава i Iаана — i ўзышоў з iмi памалiцца на высокую Фаворскую гару. Зрабiў Ён гэта дзеля таго, каб паказаць iм Сваю Божую славу i падтрымаць у iх веру, каб, убачыўшы Яго пакуты, яны не ўсумніліся. Пакуль Збавiцель малiўся, вучнi, стамiўшыся, засыналi. Калi ж яны прачнулiся, то ўбачылi Хрыста ў велiчы i славе: твар Яго ззяў, як сонца, i нават вопратка стала белая i зiхатлiвая.
Свята гэта ў народзе называецца Другiм Спасам, цi Спасам Яблычным, бо ў гэты дзень у храмы прыносяць для асвячэння яблыкi i iншую садавiну новага ўраджаю.
Першы міжнародны мастацкі пленэр “Заслаўскі Спас” адбыўся ў 2018 годзе. Штогод гэта свята збірае мноства мастакоў прафесіяналаў і аматараў розных узростаў. Творцы з Расіі, Польшчы, Украіны, Партугаліі, ЗША і розных мясцін Беларусі прысвячаюць свае творы Заслаўскаму храму і святу Яблычны Спас.
У 2020 годзе мы зноў чакаем удзельнікаў ІІІ Дабрачыннага мастацкага пленэру “Заслаўскі Спас” і спадзяёмся, што гісторыя цуда Праабражэння Іісуса, святочная атмасфера Спаса - Праабражэнскага сабора і дух дабрачыннасці стануць натхненнем для стварэння сапраўдных твораў мастацтва!
Па выніках пленэру з 20 жніўня па 20 верасня ў Гісторыка-культурным запаведніку “Заслаўе” будзе праведзена выстава прафесійных мастакоў. Дзіцячыя творы ў гэты час будуць экспанавацца ў Спаса-Праабражэнскім саборы г.Заслаўя.
Мастакі маюць магчымасць дыстанцыйнага ўдзелу. У гэтым выпадку неабходна:
2. Даслаць твор па пошце да 15 жніўня 2020 года на адрас : Мінская вобл., г.Заслаўе, вул. Цітова, 5-2, 223034.
* Удзельнікамі могуць быць асобныя аўтары, групы і навучальныя ўстановы. Адна адукацыйная ўстанова можа даслаць не больш за 10 твораў.
Патрабаванні:
1. Малюнкі павінны адпавядаць духоўнай тэматыцы;
2. Фармат для дзіцячых твораў - А4-А3;
3. Тэхніка не абмежавана;
4. Неабходная інфармацыя пра ўдзельніка пленэру:
· поўнае імя;
· дата нараджэння;
· кантактныя дадзеныя: тэлефон, e-mail, адрас;
· фармат удзелу (дыстанцыйны, вочны);
· Для дарослых прафесійных удзельнікаў: кароткая біяграфія (да 200 знакаў), фота аўтара, 5-10 выяў твораў, кошт твора, прадастаўленага на пленэр.
Аўтарытвораў становяцца ўдзельнікам названага пленэруі згаджаюцца з наступным:
· Адзін, ці некалькі твораў, прадстаўленых на выставу, бяруць удзел у дабрачынным продажы;
· Аўтар назначае мінімальны кошт прадстаўленага твора;
· Выявы твораў будуць апублікаваны на сайце арганізацыі, ў сацыяльных сетках, выкарыстоўвацца ў тыпаграфіі бескаштоўна.
Усе ўдзельнікі ўзнагароджваюцца сертыфікатамі і падарункамі. Па выніках пленэру будзе выдадзены каталог.
Пакупнікі твораў дабрачыннага пленэру маюць магчымасць набыць карціны непасрэдна на пленэры 18-19 жніўня. Усе сабраныя сродкі пойдуць на лячэнне дзяцей з анкалагічнымі захворваннямі.
Прыблізны расклад мерапрыемства:
18 жніўня:
13.00-14.00 – рэгістрацыя ўдзельнікаў пленэру
14.30- 17.00 – праца мастакоў
17.00 – Усяночнае трыванне ўзначаліць мітрапаліт Мінскі і Заслаўскі, Патрыяршы экзарх усея Беларусі Павел.
19 жніўня:
8.30-11.00 – святочнае Богаслужэнне
10.00-11.00 - рэгістрацыя ўдзельнікаў пленэру
12.00-13.00 - лекцыя-экскурсія “Кафедральны сабор Праабражэння Гасподняга ў г. Заслаўi” (удзел па папярэдняй дамове)
11.00 -13.00 – праца мастакоў
13.30 - цырымонія ўзнагароджання удзельнікаў ІІІ Дабрачыннага мастацкага пленэру “Заслаўскі Спас”
14.30 – сумесная трапеза.
У выпадку ўзнікнення пытанняў, калі ласка, звяжыцеся з куратарам пленэру:
