Кірыл Руды, айчынны гуру дзяржкіравання, падчас сваёй службы памочнікам прэзідэнта па эканамічных пытаннях, зазначаў, што эфектыўным рэформам у Беларусі перашкаджае дэфіцыт кадраў, здольных гэтыя рэформы правесці.
У сваю чаргу, Нацыянальная стратэгія ўстойлівага развіцця Беларусі (НСУР-2030) вызнае рызыкі адтока высокакваліфікаваных кадраў за мяжу і заклікае да інвеставання ў чалавечы капітал.
- Наколькі эфектыўна працуе кадравая палітыка ў Беларусі зараз?
- Ці Акадэмія кіравання з’яўляецца адзінай “кузніцай кадраў” для дзяржсектара?
- Ці ёсць месца на дзяржслужбе для прадстаўнікоў з трэцяга сектара?
- І, нарэшце, ці варта Беларусі пераймаць досвед краін-суседак - Літвы, Латвіі - і ўводзіць дзяржпраграмы падтрымкі паспяховых суайчыннікаў замежжа, каб заахвочваць іх вяртацца на радзіму і прыўносіць міжнародны досвед у Беларусь?
Абмяркуем гэтыя пытанні падчас дыскусіі: “Кадры вырашаюць усё”. Прыходзьце самі і запрашайце сяброў!
Мадэратар - Кацярына Шмаціна, аналітык Беларускага інстытуту стратэгічных даследаванняў (BISS).
Дыскусія пройдзе ў межах фэсту "Кілямэтар грамадзкай актыўнасці".
Пачатак у 18:00.
Месца: прастора ОК16 (Мінск, вул. Кастрычніцкая, 16).
Уваход вольны.
