Майстар-класы па ляўкасе і калядных вяночках у Мінску

13 і 14 снежня ў мінскім абласным цэнтры народнай творчасці ладзяць два майстар-класы.

У суботу, 13 снежня а 14-й, будзе майстар-клас мастачкі Лізаветы Янковай  па тэхніцы ляўкас у межах яе персанальнай выставы (12+).

Ляўкас - старажытная тэхніка, якую ўжывалі для стварэння абразоў, а сёння яна увайшла ў арсенал працы і сучасных мастакоў.

Вас чакае:

Азнаямленне з гісторыяй і спецыфікай ляўкаса: грунт і фарбы

Відэапрэзентацыя выбітных узораў

Практычнае азнаямленне з тэхнікай ляўкасу

Кожны ўдзельнік напіша свой невялікі жывапісны твор з выявай твару чалавека.

Кошт - 15 рублёў. Усе матэрыялы дадуць. Запісвайцеся па тэлефоне 8017 377 40 91 альбо праз дырэкт Цэнтра.

А ў нядзелю, 14 снежня а 14-й, будзе майстар-клас па стварэнні каляднага вянка з натуральных і экалагічных матэрыялаў (15+).

На занятках кожны самастойна зробіць свой вянок з лазы. 

Дасведчаны майстар Сяргей Барташэвіч раскрые сакрэты працы з лазой, а для дэкору ў прыроднай стылістыцы ўдзельнікам будуць прапанаваны шышкі і стужкі.

Дзеці да 15 гадоў запрашаюцца да ўдзелу толькі разам з дарослым (робяць разам 1 вянок).

Кошт - 20 рублёў. Усе матэрыялы дадуць. Запісвайцеся па тэлефоне 8017 377 40 91  альбо праз дырэкт Цэнтра.