8 і 9 жніўня ў Варшаве адбудзецца канферэнцыя «Новая Беларусь».
Рэгістрацыя ўжо адкрытая.
Мерапрыемства будзе прысвечанае абмеркаванню тых зменаў, што адбыліся за апошні час, асэнсаванню таго, хто і як дапамагае беларусам і Беларусі, разгляду перспектываў развіцця сітуацыі ў рэгіёне, вызначэнню таго, якое месца ў гэтых працэсах займаюць і будуць займаць беларускія дэмакратычныя сілы, беларусы і Беларусь агулам.
Калі вы жадаеце прыехаць у Варшаву і ўзяць удзел у канферэнцыі — рэгіструйцеся па адпаведнай спасылцы.
Звярніце ўвагу, што запаўненне формы не гарантуе ўдзелу: усе заяўкі будуць разглядацца Аргкамітэтам індывідуальна. Афіцыйны адказ вы атрымаеце цягам трох дзён з моманту запаўнення формы.
Журналістаў, блогераў, прадстаўнікоў беларускіх незалежных медыя просяць зарэгістравацца па іншай спасылцы.
Звярніце ўвагу: уся афіцыйная камунікацыя па Канферэнцыі Новай Беларусі праходзіць праз пошту confnewbelarus@tsikhanouskaya.org.
Калі ласка, дбайце пра кібербяспеку і карыстайцеся толькі афіцыйнымі кантактамі!