У сераду, 28 снежня, традыцыйны беларускамоўны нэтворкінг у Тбілісі пройдзе ў незвычайным фармаце.
Дата: 28 снежня
Час: 19.00 (час мясцовы)
Месца: 500 метраў ад метро Плошча Свабоды (дакладны адрас дашлюць удзельнікам асабісты), Тбілісі
Будзе кінасеанс па выніках чэленджу «КінаКаляды48», які ладзілі ў Вільні ды анлайн. Камандам было прапанавана зняць калядныя кароткаметражныя фільмы за 48 гадзін.
І вынікам сталі 14 кароткаметражных фільмаў, знятыя ў Вільні, Варшаве, Кракаве, Тбілісі і Менску.
То прыходзьце паглядзець, што атрымалася, і прыносьце ласункі да гарбаты.
Пасля прагляду будзе абмеркаванне!
Уваход вольны, але ж рэгіструйцеся па спасылцы, бо месцаў абмежавана!
