У суботу, 12 лістапада, філіял Веткаўскага музея запрашае ўсіх маленькіх мультфільмаманаў і іх бацькоў у кінаклуб «ЭТНАфільМЫ» на супольны прагляд поўнаметражнага беларускага мультфільма «Прыгоды Несцеркі» пад гарбатку ды размовы.
Дата: 12 лістапада
Час: 14.00
Месца: філіял Веткаўскага музея, пл. Леніна, 4а, Гомель
Мультфільм складаецца з 8 гісторый, у якіх Несцерка знаходзіць выйсце з няпростых сітуацый: ператварае гліняныя збаны ў музычны інструмент, перамагае крыважэрнага Цмока, знаходзіць управу на Ліха, якое пасялілася ў іх доме. Багата іншых розных прыгод чакаюць героя і яго вясёлую кампанію.
Пасля прагляду будзе цёплая гутарка за кубкам смачнага ўзвару з пачастункамі.
Кошт: для дзяцей — 1,5 рублі, для дарослых — 3 рублі. Працягласць мультфільма — 1 гадзіна.
