24 красавіка у Музеі Вольнай Беларусі у межах Чарнобыльскага тыдня пройдзе кінапаказ стужкі Эн Богарт і Холі Морыс «Чарнобыльскія бабулі».
Дакументальная стужка 2015 года расказвае неверагодную і кранальную гісторыю прыкладна ста жанчын, якія жывуць у радыёактыўнай чарнобыльскай зоне адчужэння і нягледзячы ні на што не хочуць з’язджаць з небяспечнай, але сваёй зямлі.
Стужка, створаная Эн Богарт і Холі Морыс, сабрала шмат узнагарод, але незаслужана мала вядомая беларускім гледачам. У некаторых гарадах арганізатары абяцаюць абмеркаванне і дыскусію па праглядзе фільма.
Дата: 24 красавіка
Час: 19:00.
Месца: Музей Вольнай Беларусі, Варшава, ul. Foksal 11
Фільм паказваецца на мове арыгінала з англійскімі субтытрамі.
Мерапрыемства бясплатнае, патрэбна рэгістрацыя.
Мерапрыемства арганізавана ў межах Чарнобыльскага тыдня, які ладзіць Экадом.
